ბაზრის გუშინდელი მკვეთრი ვოლანტილობის ზრდა შეიძლება ვიწრო დიაპაზონში კონსოლიდაციით შეიცვალოს.
BTC/USD
გუშინ ხანმოკლე 4170.00 USD-ის მიდამოში კონსოლიდაციის შემდეგ, ფიბონაჩის 38.2%-იანი (4429.37) რე-ტესტის მცდელობა დაფიქსირდა, მაგრამ რაღაც კარგად ვერ მოხერხდა. დათვებმა ზეწოლა განაახლეს. კვირის მაქსიმუმი მხოლოდ 4236.84 USD-ზე დაფიქსირდა და გაყიდვების ტალღამ ფასი ფსიქოლოგიურ 4000.00 USD-ის მხარდაჭერამდე დაწია. გუშინდელი დღის დასრულებამდე ფასი ზრდის მწვანე დერეფანში შენარჩუნდა.
ამაღამ, გამყიდველების ზეწოლა გაძლიერდა, ფსიქოლოგიური მხარდაჭერა და აპ-ტრენდის მწვანე დერეფნის ქვედა საზღვარი დაინგრა და ფასი ქვემოთ ჩაფრინდა. “თავისუფალი ვარდნისგან” წყვილი 3750.00 USD-ის ძლიერმა მხარდაჭერამ შეაკავა. თუ ზეწოლა ისევ განახლდება, მაშინ წყვილის მომდევნო ჩამოსრიალების შემაკავებელ დონედ 3474.70 USD გამოდგება.
XRP/USD
გუშინ, 0.390 USD-ის მიდამოში ხანმოკლე კონსოლიდაციის შემდეგ, Ripple-ს ფასმა იმდენად ძლიერი ხარული იმპულსი მიიღო, რომ 0.400 USD-ის წინააღმდეგობა გადალახა და უფრო მეტიც, ფიბონაჩის ნულოვანი დონე - 0.450 USD შეამოწმა. წყვილის ვოლანტილობა მკვეთრად გაიზარდა, ფასმა ჯერ აპ-ტრენდის საკმაოდ ფართო მწვანე დერეფნის ზედა საზღვარი გახვრიტა, ამაღამ კი მის ქვედა საზღვართან ჩამოვიდა. 0.370 USD-ის მხარდაჭერის დონეზე, შემცირება შეწყდა, მოცულობამ დაიკლო და ვოლანტილობაც შემცირდა.
შესაძლოა, გარკვეული დრო დასჭირდეს, რათა ფასი ასეთი სწრაფი ზრდისა და აქტიური დაკლების შემდეგ, ამ დონეზე კონსოლიდაციაში გადავიდეს. შემდგომი ვარდნა კი 0.330 USD-ით შეიზღუდება.
ETH/USD
გუშინ Ethereum-მა 150.00 USD-ის დონის თავზე გამყარება ვერ შეძლო. წყვილმა გაარღვია წინააღმდეგობა, დაამყარა მაქსიმუმი 159.11 USD-ის მწვერვალზე და ბურთივით დაგორდა მის საწყისთან - 130.00 USD-თან, საიდანაც ეთერეუმის ფასმა გუშინ თამამი აღმასვლა დაიწყო. დინამიური დაკლების მიუხედავად, ETH-ს ფასი აპ-ტრენდის მწვანე დერეფანში შენარჩუნდა, მაგრამ ჯერ ზრდის ახალი მცდელობის პროგნოზირება რთულია.
სავარაუდოდ, ახლო მომავალში 130.00 USD-ის კონსოლიდაციის სივრციდან, 23.6%-იანი ფიბონაჩის (114.43 USD) მხარდაჭერამდე დაიკლებს.
*ყველა ფასის გამოსახულება მოყვანილია ბირჟა Bitstamp-ის მონაცემების მიხედვით.
ასევე წაიკითხეთ
Stellar Lumen, Bitcoin Cash, EOS და Litecoin ანალიზი 06.12.2018-სთვის
დღეს დილით, დათვურმა იმპულსმა ფასები ახალ მინიმუმამდე ჩაზნიქა. ფასის აღდგენა შეიძლება დიდხანს არ გაგრძელდეს და მალევე დაკლება განახლდეს.
ADA-ს და IOT-ის ანალიზი 14.11.2018-სთვის
ფონდ Cardano-ს თავმჯდომარემ მაიკ პარსონმა, თავისი თანამდებობა მას მერე დატოვა, რაც ჩარლზ ჰოსკისონმა და გენერალურმა დირექტორმა ემურგო კენ კოდამამ, თავიანთი იმედგაცრუება გამოთქვეს, ქსელის დაბალი წარმადობისა და ძალაუფლების ცენტრალიზაციის მცდელობის შესახებ.
უკანასკნელი სტატიები კატეგორიიდან ანალიტიკა
