ბოლო კვლევები აჩვენებს, რომ Bitcoin ტრანზაქციები უკანონო ოპერაციებში მათი გამოყენების არავითარ რისკს არ წარმოადგენს, ან ძალიან მცირე რისკს შეიცავს.
გასულ თვეში სამხრეთ კორეის საფინანსო მომსახურეობის კომისიის ფინანსური ინფორმაციის განყოფილებამ ანგარიში გამოსცა, რომელშიც წერია, რომ ფულის გათეთრების და ტერორიზმის დაფინანსების რისკებს უფრო ტრადიციული ბანკები ექვემდებარება, ვიდრე კრიპტოვალუტა.
ახლა კი ფულის გათეთრებასთან ბრძოლის ფინანსური ზომების შემმუშავებელი საერთოევროპული ჯგუფის (FATF) კიდევ ერთი ანგარიში ადასტურებს, რომ კრიპტოვალუტები მათი ტერორიზმის დაფინანსებისა ან ფულის გათეთრებისთვის გამოყენების რისკებს არ შეიცავს.
ანგარიშში ნათქვამია, რომ კრიპტოვალუტა თეორიულად შეიძლება საშიშროებას წარმოადგენდეს, თუმცა იმის მტკიცებულება, რომ ის ამჟამად დანაშაულის ზრდას უწყობს ხელს, ძალიან ცოტაა.
დიდი ბრიტანეთის პოლიტიკოსებმა განაცხადეს, რომ იმ კანონების გაუმჯობესებას გეგმავენ, რომლებიც ქვეყანაში კრიპტოვალუტური ბირჟების საქმიანობას არეგულირებს. კრიპტოვალუტურ ბირჟებსა და საფინანსო დაწესებულებებს შორის ტრანზაქციების მონიტორინგისთვის ისინი ევროკავშირის ფულის გათეთრებასთან ბრძოლის მეხუთე დირექტივის გამოყენებას გეგმავენ.
გასულ კვირას G20 სამიტზე არგენტინაში მსოფლიო ლიდერებმა ციფრული აქტივების რეგულირებაში კოორდინირებული მიდგომების შესახებ მოწოდება გააკეთეს. მომავალი წლის ივნისში FATF უფრო ვრცელი სახელმძღვანელოს გამოცემას გეგმავს, რომელშიც მითითებული იქნება, როგორ უნდა მართონ ქვეყნებმა ციფრული აქტივების ეკოსისტემის ყველა ასპექტი.
მასალების მიხედვით cryptocoinspy.com
ასევე წაიკითხეთ
საუკეთესო საჩუქრები კრიპტოვალუტის მოყვარულთათვის
საახალწლო დღესასწაულები უკვე დადგა და ალბათ ზოგიერთ ჩვენ მკითხველს წინა საახალწლო სამზადისი გამორჩა. თუ თქვენ არ იცით რა აჩუქოთ თქვენს მეგობარს - კრიპტოენთუზიასტს, ჩვენ დაგეხმარებით ამაში! ყველაფერი თქვენს ბიუჯეტზეა დამოკიდებული და იმაზე თუ რამდენად სწრაფად გინდათ რომ საჩუქარი ხელთ გქონდეთ.
ფორკის მოლოდინში Bitcoin Cash-ი 25 % გაძვირდა
15 ნოემბერს ჰარდფორკმა შესაძლოა BCH-ს ქსელი გაყოს. კრიპტოკომპანიებმა ამ მოვლენის დადებითი და უარყოფითი მხარეები განიხილეს. საზოგადოების ნაწილი Bitcoin ABC-ს გუნდის იდეას ემხრობა, რომელმაც წინა წლის აგვისტოში Bitcoin-ის ბლოკჩეინი გაყო და Bitcoin Cash-ი შექმნეს. მეორე ნაწილი კი nChain-ის მიერ შემუშავებულ ქსელს უჭერს მხარს, რომელიც რაით კრეიგს და CoinGeek მაინინგურ პულს სახელს უკავშირდება.
უკანასკნელი სტატიები კატეგორიიდან მოვლენები
