ბულგარეთში უცხო ქვეყნის მოქალაქეებისთვის პასპორტების უკანონო გაცემის ბრალდებით, მთავრობის ორი წარმომადგენელი დააკავეს, რომლებიც თავისმხრივ გაწეული უკანონო ქმედებისთვის ქრთამს კრიპტოვალუტაში იღებდნენ.
საქმის მასალების თანახმად, ორივე პირს საზღვარგარეთ მყოფი ბულგარელი მოქალაქეების ეროვნულ სააგენტოში ხელმძღვანელი თანამდებობები ეკავათ. გამოძიების ვარაუდით, 2017 წლის ივლისიდან მოყოლებული, დაკავებული პირები კვირაში საშუალოდ 5-დან 15-მდე ქრთამს იღებდნენ.
ერთ-ერთი მტკიცებით, იმ ადამიანს, რომელიც ჩინოვნიკებისთვის ქრთამის მიცემაზე უარს ამბობდა, საბუთების გაცემას ხელოვნურად უჭიანურებდნენ. ამას ადასტურებეს სხვა მოწმეების ჩვენებებიც - ქრთამის მიცემის გარეშე საჭირო საბუთის მიღება პრაქტიკულად შეუძლებელი იყო.
ბრალდების მხარის განმარტებით, თავდაპირველად უკრაინის მოქალაქეებმა, რომლებსაც ბულგარული პასპორტის გაცემაზე უარი უთხრეს, ჩინოვნიკებს ბიტკოინებში ქრთამი შესთავაზა და უმოკლეს დროში პასპორტიც მიიღო. დაცვის მხარე ყველაფერს კატოგორიულად უარყოფს და სათანადო ნივთმტკიცებულებების არარსებობაზე ამახვილებს ყურადღებას.
საგამოძებო სამსახურმა წაყენებული ბრალის დამტკიცებისთვის, დაკავებული ჩინოვნიკების ბიტკოინების-საფულეების კონფისკაცია მოახდინა.
საქმეის ერთ-ერთმა მთავარმა მოწმემ (რომელიც ეროვნული სააგენტოს დირექტორის მოადგილედ მუშაობდა) განაცხადა, რომ მან თვეების მანძილზე კრიპტოვალუტაში ქრთამის გადაცემის სქემის შესახებ იცოდა. მეორე მოწმის თქმით, მან ქრთამის სახით 5000 ევრო ბრალდებულებს რამდენიმეჯერ თავად გადასცა.
მასალების მიხედვით thenextweb.com
ასევე წაიკითხეთ
ბიტკოინები აუქციონის წესით გაიყიდება
შეერთებული შტატების მარშალთა სამსახურმა აუქციონის შესახებ შეტყობინება გაავრცელა, რომელზეც $4.3 მილიონის ღირებულების ბიტკოინები გაიყიდება.
კრიპტოვალუტების ბაზარი ზედმიწევნით მწვანდება
საერთაშორისო სავალუტო ფონდის ყოფილი ეკონომისტი მარკ დოუ, რომელმაც BTC-ის შარშანდელი გარბენის პიკზე შორთი გახსნა, გუშინ საკუთარი პოზიცია დახურა. ამ ქმედებით მან ერთგვარი სიგნალი გაგზავნა, რომ როგორც იქნა ბაზარმა ქვედა წერტილს მიაღწია. „მე დავიღალე. მომბეზრდა მისი ფასის ნულამდე დასაწევად მუშაობა. აღარ მინდა ამას მოვკიდო ხელი“ - განაცხადა მან Bloomberg-სთვის მიცემულ ინტერვიუში.
უკანასკნელი სტატიები კატეგორიიდან მოვლენები
